Radio Ainda Tin Speransa - Programs RSS

Un Ratu ku Dios

Mon, 16 Nov 2020 16:14:06 +0000

Un Ratu ku Dios ta un programa ku tur dia di nobo nos lo ta analisando un palabra òf un versikulo di beibel. P'esei hasi bo best pa bo pasa tempu ku Dios tur dia di nobo. P'esei Salmonan 1:1-2 ta bisa: Bendishoná ta e hende ku no ta kana den e konseho di malbadonan, ni ta para den e kaminda di pekadónan, ni ta sinta riba e stul di bofonadónan Ma su delisia ta den e lei di SEÑOR, i den Su lei e ta meditá di dia i anochi.

Kultiva i Kuida

Mon, 14 Sep 2020 19:35:11 +0000

Bo programa preferi kaminda bo ta siña kon pa prepara bo tera, metodo nan pa planta, kon pa mua i tambe kon pa sembra i risibi bo kosecha. Konhunto ku esaki nos lo ta analisandondo e benefisionan nan ku un persona por haña den plantamentu, kual e por jega na siña indentifika, kontempla i risibi e karakter di Dios atraves di Su naturalesa. Korda Job 12:7-8 ta bisa: Ma awor, puntra e bestianan, i laga nan siñabo; i e parhanan di shelu, i laga nan kontabo. Of papia ku tera, i lagu'é siñabo; i laga e piskánan di laman splikabo.

P'esei sintonisa e programa kultiva i Kuida tur djadumingu 16:00-16:30 i djarason 18:00 pa 18:30.

Espasio di mucha ku Tante Ruth

Mon, 30 Nov 2020 11:17:58 +0000

E programa di mucha, kaminda tur siman di nobo tin un les nobo pa yuda den e formashon di kada mucha, pa asina nan tambe por ta preparando i formando nan karakternan pa heréda e tera i shelu nobo. Nos sa ku e muchanan tambe lo por tur kos atraves di Kristu-Hesus. P'esei si awe mayor bo tin difikultat den edukashon di bo yu(nan) of bo no sa kiko pa hasi ku bo yu(nan), sintonisa e programa aki tur djamars i djasabara di 16:00 pa 16:20 di atardi pa bo risibi tips nan balioso pa por yuda bo edukakshon di bo yu(nan).

Loke a keda atras- Repaso Les Sabatskol

Fri, 20 Nov 2020 03:34:36 +0000

E tempu di les di sabatskol a pasa asina lihe, i bo no a haña chens di abarka tur e tópikonan importante di e lès? Awél den e programa Loke a keda Atras nos lo bai repasa e lès di sabatskol un bes mas ku bo, i lo trata e tópikonan i puntonan di mas importante di e lès. P'esei hasi bo best pa bo sintonisa nos tur djasabra di 14:00pm pa 15:30pm i disfruta un bes mas di e lès.

Ban bek Eden

Thu, 24 Sep 2020 03:48:38 +0000

Ban bek Eden ta un programa ku e meta pa por instrui e hende di awe kon pa wòrdu reviva i reforma pa bai bek na e forma ku Dios a institui tur kos for di prinsipio den hofi di Eden. P'esei si awe bo no sa kon pa drecha bo relashon ku Dios, of kon pa por tin kambio konsistente den bo bida, sintonisa e programa aki tur djadumingu di 17:00 pa 18:15 i tur djawebs di 19:00 pa 20:15. Nos lo analisa e beibel huntu for di tur angulo. JER 6:16: Asina SEÑOR ta bisa: "Para na e kamindanan i mira, i puntra pa e berehanan antiguo, unda e bon kaminda ta, i kana den djé; i boso lo haña deskanso pa boso alma.

Palabranan di Bida

Sat, 07 Nov 2020 18:21:51 +0000

Palabranan di bida, un programa ku e meta pa por analisa e palabra di Dios pa asina nos por risibi e bèrdat i bida atraves di Dje. P'esei si bo ke sa kon pa studia beibel, kon pa vense piká, kon pa kibra e palabra na formanan mas praktiko i mas, sintonisa nos tur djaluna i tur djabierne di 20:00 te ku 21:15. Korda Salmonan 119:11 ta bisa: Bo palabra mi a skonde den mi kurason, pa mi no peka kontra Bo.

Mainta ku Dios

Thu, 06 Apr 2017 10:11:06 +0000

Bo ta sa e importansia pa tur dia bo kuminsa bo dia ku Dios? Lo bo puntra kon esaki lo ta, akaso mi orashon ku mi hasi no ta sufisiente? Wèl hasi orashon en realidat ta ser-humano komunikando esta papiando ku Dios tresiendo su petishonnan, gradisimentu na Dios, pero Dios di su banda tambe ke komunika bek na nos, kual e ta hasi 99% atraves di su palabra. P'esei kuminsa bo dia ku e alimentashon di e palabra i durante dia ta sumamente importante. Yozue ta rekorda nos den Yozue 1:8 "E buki di lei aki lo no apartá for di bo boka, ma bo mester meditá den djé di dia i anochi, pa bo pèrkurá di hasi konforme tur loke ta pará skirbí den djé; pasobra e ora ei lo bo hasi bo kaminda prosperá, i e ora ei lo bo tin éksito."

Ban uni ku nos tur mainta di nobo pa nos kuminsa nos dianan ku e alimentashon di e palabra di Dios.