Radio Ainda Tin Speransa - Team RSS

Ainda Tin Speransa Radio & TV management team

Mon, 14 Sep 2020 18:34:08 +0000

Ku hopi amor i dedikashon nos ta hasi esakinan kompletamente gratis pabo, pa asina nos por kumpli ku un di e yamadanan di shelu ku ta'" bai den henter mundu i prediká e evangelio na tur kriatura i siña nan pa kumpli ku tur loke Mi a ordená boso; i mira, Mi ta ku boso semper, te na fin di mundu." Amèn.

Hesus ta bini pronto, i nos ke pabo tambe ta salba, p'esei uni ku nos team pa por kumpli ku nos mishon mas efektivamente. Maranatha!

Ruth Hooi

Mon, 14 Sep 2020 18:53:58 +0000

Ruth Hooi ta e presentado di e programa Espasio di mucha ku Tante Ruth. Manera beibel ta bisa den proverbionan 22:6 Instruí un mucha den e kaminda ku e mester kana, i asta ora ku e bira bieu e lo no apartá su mes for di djé. Pesei e meta di e programa aki ta pa por yuda forma muchanan ku informashonan edukativo i konstruktivo pa asina por kontribui na formashon di karakter di e muchanan. Pesei sintonisa e programa aki tur Djasabra-Djaluna i Djawebs konhunto kubo yunan. Hesus di: "Laga e muchanan, i no stroba nan di bin serka Mi, pasobra e reino di shelu ta pertenesé na esnan manera esakinan."( Mateo 19:14).

Liandra Mattheeuw

Fri, 18 Sep 2020 02:31:21 +0000

Liandra Mattheeuw ta e presentado di e programa Mainta ku Dios. E meta di programa ta pa hende por kuminsa nan dia ku nan Kreador, buskando nan guia, sabiduria, protekshon i armadura spiritual pa por enfrenta e dia nobo. Meskos ku e pueblo di Israel tabata buska Dios mainta, merdia, i atardi (Salmo 55:17). Meskos mi ke enkurasha bo pa nos ban hasi un habito pa buska Dios tur dia den Su palabra i den orashon kada mainta di nobo.

Raygell Kierindongo & Jousseaume Mattheeuw

Fri, 18 Sep 2020 03:32:35 +0000

Kultiva i Kuida ta un programa presenta pa Raygell Kierindongo i Jousseaume Mattheeuw. E konsepto i nòmber di e programa ta basa riba Job 12:7-8: "Ma awor, puntra e bestianan, i laga nan siña bo; i e parhanan di shelu, i laga nan konta bo. Òf papia ku tera, i lagu'é siñabo; i laga e piskánan di laman splika. P'esei atraves di e programa aki lo bo no siña solamente kon pa por prepara bo tera, sembra i risibi kosecha pero tambe pa por siña indentifika lesnan praktiko di bida i tambe pa por siña kontempla e karakter di Dios atraves di tur lokualnan El a krea na benefisio di ser-humano.

Jousseaume Mattheeuw

Mon, 21 Dec 2020 01:35:04 +0000

Palabranan di bida