Radio Ainda Tin Speransa - Pages RSS

Partner ku Nos

Mon, 14 Sep 2020 16:47:00 +0000

Nos di Radio Ainda Tin Speransa su meta ta pa por yuda e pueblo den Reino Hulandes pa por yega na un desaroyo di e ser-humano den e area mental, físiko i spiritual, pa asina kada un di nos por ta prepará pa topa ku nos Kreador. Un di e formanan pa por realisá esaki ta hasiendo uso di nos radio online pa por eduká, informá, stimulá i guia su oyentenan den e area aki. Den e kuadro aki pa por mantené e online radio aki aktivo ta rekerí hopi labor i tambe hopi gastu. Pa e motibu aki, Radio Ainda Tin Speransa ta solisitá bo yudansa pa kontribuí ku nos den e initiativa aki pa por mantene e radio online aki on air ku e meta pa alkansá, eduká i forma hendenan pa por ta prepará pa topa ku nos Dios. P'esaki nos ta hasi e solisitut na bo pa un donashon un biaha òf mensual. Bo por hasi bo donashon riba e kuenta di banko di Restoration Ministry Curacao (RMC):

Nòmber di banko: Maduro & Curiel’s Bank Curacao

Number di kuenta: 28855006

Swift code: MCBKCWCUXXX

Nota: Donashon Radio ATS

Ainda tin Speransa ta spera di por konta ku bo kontribushon pa por sigui traha muchu mas mihó pa e paisnan den reino.

Kon Pa Studia Beibel?

Mon, 14 Sep 2020 17:06:00 +0000

Beibel ta un buki konsiderá pa gran mayoria di hende na mundu komo un buki inspirá i sagrado. N’e mesun tempu e buki mihó bendí den tur tempu. E ta e buki ku ta tradusí den kasi tur lenga i tin miónes di e buki aki den tur skinanan di mundu. E la pasa dor di tur tempestat i gueranan, durante siglonan i a sali viktorioso, kual ta hasi posibel pa nos por tin é awe. Pero e realidat ta ku poko ta esnan ku berdaderamente ta benefisiá di e buki aki. Kisas pa falta di interes, òf pa motibu di prehuisio keriendo ku e beibel ta solamente pa pastornan i sabínan. Pero si wak den mundu tin alrededor di 33.000 denominashon, pero kada unu ku nan propio bista, nan propio kaminda, siendo ku beibel ta papia ku tin un kaminda, un bèrdat i un bida. P’esei entendimentu di e palabra di Dios ta bira sumamente importante, si no siguramente hende lo wòrdu engañá, pasó historia ta konfirmá na nos esaki, mustrando ku hopi iglesianan i siñadonan falsu a lanta i gaña míles di hende. Pa sigui lesa primi riba e pintura ariba.

Ta Fe of Presumí ?

Mon, 14 Sep 2020 17:08:00 +0000

Hopi hende awendia ta bringando of ta pretende di tin fe of ta desea di tin esaki. Hopi ta pensa dor di desea algu inmensamente i pone e mente pensa riba esaki, konhunto ku hopi orashon riba e deseo, ta loke ta wòrdu jama fe. Pero akaso ta esaki ta loke beibel ta deskribi komo fe, akaso esaki ta e forma pa haña fe, oumenta fe i pone e fe den práktika? P'esei si bo ke sa kiko ta fe i kon ta pone esaki den práktika, djis primi riba e estudio ariba pabo por risibi di e guia di estudio aki of primi aki.

Pordon yabi pa nos salú!

Mon, 14 Sep 2020 17:46:00 +0000

Awendia hopi hende ta kana ke deseo pa por pordoná, pero den praktiká hopi ta purba pero sin resultado. Otronan a será nan mes i a primintí ku hamas i nunka nan lo pordoná e abusador, e tentadó,e violadó di nan bida. I awe promé ku nos kontesta e pregunta aki, ta importante pa sa kiko e palabra pordon/forigve, vergeven etc ta. Promé kos ku nos ta identifiká ta, ku e palabra pordon ta konsistí di un lettergreep ku ta: POR i DON… Por ta nifiká naturalmente e abilidat pa hasi òf duna algu i e palabra Don ta nifiká un regalo,talento, algu pa duna. Kiko esaki ta siña nos ku pordon ta nifiká e abilidat òf talento pa hasi òf duna algu na un otro un persona. Naturalmente nos a tende diferente biaha hende ta bisa otro;” bo tin ku pordoná e persona , bo tin ku pordoná tal i tal hende, kual en realidat nan ta bisando e hende, kubo tin algu kubo mester duna ékis persona”. Pa sigui lesa primi aki of riba e pintura ariba.

Himnario Atventista

Tue, 15 Sep 2020 03:51:00 +0000

E Lei a wordu krusifika na e Krus

Sat, 03 Apr 2021 01:20:00 +0000

Kerido lesadó den e estudio aki nos ta bai trata e tema tan importante kual ta e krusifikashon di e lei na e krus di kalvario. I e meta di e estudio ta pa laga e palabra di Dios duna nos e perfekto komprendementu si e lei a wòrdu klaba na e krus si òf no, si e la wòrdu klaba, kua ta e lei ku Hesus a klaba i ki ta e meta di e klabamentu. Nos ta enkurashá bo, p'abo pidi Dios den bo mente i kurason pa E iluminá bo i duna bo di su komprondementu pa asina e estudio aki por ta di gran benefisio p'abo.

Pa sigi lesa primi aki of primi riba pintura ariba.

Protokòl pa Covid-19

Sat, 08 Jan 2022 22:30:00 +0000

Protokòl speshal pa Covid-19

Den e rekomendashonnan aki tin tipnan balioso pa promé, durante i despues di Covid.

Pa download e protokol primi aki: Covid-19 Protokòl

21. DIOS INMORTAL, INVISIBEL

Wed, 19 Jan 2022 03:43:00 +0000

Kuplèt 1

Inmortal, invisibel, Dios ta sabí
Den lus for di nos bista E ta skondí
Bendito, glorioso, E Dios di edat
Bo ta poderoso, nos ta alaba Bo.

Kuplèt 2

Inkietut, trankilo, i ketu E ta
Sin pidi, sin gasta, Bo ta goberná
Mes haltu ku seru Bo hustisia ta
Bo nubia ta fuente di Bo gran bondat.

Kuplèt 3

Bida Bo ta duna na grandi i chikí
Den tur Bo ta biba un bida sigur
Nos ta floresé meskos ku yerbanan
Despues nos ta muri, Bo no ta kambia.

Kuplèt 4

Gran Tata di gloria, Bon Tata di lus.
Angel t’adora Bo, kubriendo nan mes
Honor nos ta duna, ke mira Bo
Ta un splendor di lus so ta skonde Bo

22. DIOS TA NOS KANTO

Wed, 19 Jan 2022 14:01:00 +0000

Kuplèt 1

Dios ta kanto, tur kantante felis
Si alab’E lo risibí pas
Tur ku alabá Dios ku afekshon
Ta duna nos sabiduria
Ta duna nos sabiduria.

Kuplèt 2

Dios ta nos kanto, Hesus ta salba
Si alab’E nos ta duna nos tur.
Kanto nobo nos lo kanta uni.
Ora Hesus guia nos na e lus
Ora Hesus guia nos na e lus.

Kuplèt 3

E kanto aki, nada por stroba,
Ken ku alab’E nunka tin rabia
Amor konosé bon kombinashon
Dios ta traha riba tereno bon
Dios ta traha riba tereno bon.

Kuplèt 4

Dios ta silensio, si no tin kanto
Ora dolornan silensia nos bos,
Glorioso ta pa nos obedes’E
Te ora nos por bolbe alab’E
Te ora nos por bolbe alab’E.

23. KLOKNAN ALEGRE TA ZONA

Wed, 19 Jan 2022 14:03:00 +0000

Kuplèt 1

Klòknan alegre ta zona
Tur e serunan ta alab’E.
Halsa bo kurason haltu
Tur e serunan ta alab’E;
Tempu di fiesta a trese
Tur famia pa bishitá
Ta pone nos bosnan kanta
Tur e serunan ta alab’E.

Kuplèt 2

No tin mas stimá ku nos kas
Tur e serunan ta alab’E
Nos ta paga tur tristesa
Tur e serunan ta alab’E;
Nos ruman ta Hesus Kristu
Ta mara nos tur huntu
Ku a nanse di Maria
Tur e serunan ta alab’E.

Kuplèt 3

Aña friu, bisti na blanku
Tur e serunan ta alab’E
Bon boluntat na tur hende
E serunan ta alab’E
Dios Su bondat nos ta gosa
Parti pan, i warda e arma
Kla nos kurason ta bria
Tur e serunan ta alab’E.

25. ALABA SENOR ALSA

Wed, 19 Jan 2022 14:04:00 +0000

Kuplèt 1

Alabá Señor halsa, aleluya!
Santunan reuní aki, aleluya!
Angel rònt dje trono aya, aleluya!
Tur ku kompartí Su amor, aleluya!

Kuplèt 2

Shelu i tera ta uni, aleluya!
Konta di su gran balor, aleluya!
Den tur siglo grèns na grèns, aleluya!
Alab’Ele semper bai, aleluya!

Kuplèt 3

Alabá Señor mira, aleluya!
Su grasia i providensia, aleluya!
Tur ku El a hasi pa mi, aleluya!
Tur El a manda dor Su Yu, aleluya!

24. STREA LO KANTA ALEGRE

Wed, 19 Jan 2022 14:07:00 +0000

Kuplèt 1

Strea lo kanta alegre
Kada un haltu o humilde
Bin alabá Rei di Shelu
Ku tur nòmber ku bo sa

Koro

Dios aya! Nos aki!
Santu ta e nòmber di Dios.

Kuplèt 2

Or’E Rei di tur kreashon
Tabatin pesebre aki
Kurpa santu E tabatin
Tambe Su nasementu

Kuplèt 3

Kada planeta i strea
Ku ta haltu i humilde
Bin alabá Rei di Shelu
Ku tur nòmber ku bo sa

26. SHELUNAN ALABA SENOR

Thu, 20 Jan 2022 02:16:00 +0000

Kuplèt 1

Alab’E, shelu ador’E
Angelnan den shelu alab’E
Solo, luna alegra ku n’E
Alab’E tur strea di lus
Alab’E ta El a papia
Mundunan obedes’E
Lei ku nunka ta kibra
Pa nos guiansa El a traha.

Kuplèt 2

Alab’E, E ta glorioso
Nunka Su promesa ta faya
Su santunan ta vensedor
Piká i morto lo no vense.
E ta Dios di nos salbashon
Su poder nos proklamá;
Shelu i tera i kreashon
Magnifiká Su nòmber.

Kuplèt 3

Alabansa, bendishon
Nos ta ofresé na Bo, Señor
Alabansa ekspresando
Kanto alegre na Bo;
Ku e santunan den shelu
Nos lo uni den kanto
Manera e Angelnan ta sirbi
Meskos Bo nòmber nos ta onra.

27. O PURU DI KURASON GOSA!

Thu, 20 Jan 2022 02:18:00 +0000

Kuplèt 1

O puru di kurason gosa,
Gradisi, kanta
Alsa e bandera festival
Krus di Hesus bo Rei.

Koro

Gosa, (gosa), gosa, (gosa),
Gradisí i kanta.

Kuplèt 2

Ku bos yen di poder
Manera di laman
Manda dilanti himnario bieu
E Salmo antiguo

Kuplèt 3

Ku tur e angelnan
Ku santunan terenal
Basha zonido di bendishon
Di goso sinsero

Kuplèt 4

Nos lo sigui kanta
Segun nos ta biba
Di hóben te edat avansá
Den goso i doló.

Kuplèt 5

Alab’E Altísimo
Señor ken nos ta adorá
E Tata, Yu, E Spiritu Santu
Un Dios p’eternidat.

28. ALABA DIOS PA BUNITESA

Thu, 20 Jan 2022 02:21:00 +0000

Kuplèt 1

Alabá Dios pa bunitesa
Pa nos sentidonan gosa
Ku humildat nos ta alabá
Nos Dios di amor pa Su bondat
Alabá Dios pa bunitesa
Pa nos sentidonan gosa.

Kuplèt 2

Alabá Dios ku gusta hóbennan
Ku kurason yen orguyo
Danki pa manda solo pa nos
Meskos ku novio namorá
Alabá Dios, ku gusta hóbennan.
Ku kurason yen orguyo.

Kuplèt 3

Alab’ Esun ku pa un simpel flor
Ta alsa kurason na djE
Danki n’Esun ku ta duna nos
Un bon amigu pa stima
Alab’ Esun ku pa un simpel flor
Ta alsa kurason na djE.