Awor prome ku nos sigui ta importante pa sa kiko ta kambio di klima:
Kambio di klima ta un kambio den e wer usual, na un luga. Esaki por ta un kambio di kuantu awaseru un luga ta haña pa aña. Òf e por ta un kambio di temperatura na un luga den un temporada of luna. Kambio di Klima tambe ta un kambio den klima di mundu. Esaki por ta un kambio den e tempartura usual di mundu. Òf e por ta un kambio kaminda awa of sneu ta kai usualmente.

Kiko ta okashona e kambio di klima sigun sientifikonan? 

• E oumento pisá di nivel di CO² den nos atmosfera produsi dor di uso di kombustibel fòsil.
• E oumento pisá di uso di telefon i aparatonan elektroniko
• E oumento pisá di komementu di karni
• E kapmentu pisá di palu
• E miones di outonan ku ta kore riba kombustibel fòsil
• Oumento di hende etc.

Defakto for di e puntonan menshoná ariba por konklui ku pa bo por baha e oumento di CO² den atmosfera mester yega na usa/produsi menos aparatonan elektroniko, menos konsumo di karni, baha e kantidat di kapmentu di palu i limitá e kantidat di kilometer ku outonan ta kore. I hasta dor di baha e kantidat di hende, por kontribui na bahada di CO² den atmosfera.

Kon gobernantenan, organishonnan, institutonan privá i no privá ta mira e situashon aki?